2026-жылдын 22-апрелинде Кыргыз Республикасынын Саламаттык сактоо министрлигинин Саламаттыкты чыңдоо жана оорулардын алдын алуу боюнча улуттук борборунда JICA долбоорунун алкагында Бейтаптарды багыттоо системасын күчөтүү боюнча Координациялык комитеттин жыйыны өткөрүлдү.

Жыйынга Кыргыз Республикасынын Саламаттык сактоо министринин орун басары Б. Кадыралиев, ошондой эле өнөктөш уюмдардын өкүлдөрү жана саламаттык сактоо системасынын адистери катышты.

Жыйындын жүрүшүндө долбоордун Чүй облусунун пилоттук аймактарында — Жайыл районунда жана Токмок шаарында ишке ашырылышы боюнча жыйынтык отчет сунушталды.

Катышуучулар жетишилген натыйжаларды, негизги натыйжалуулук көрсөткүчтөрүн, ошондой эле жугуштуу эмес ооруларды эрте аныктоо жана дарылоо системасын өркүндөтүүгө кошкон салымды талкуулашты.

Айрыкча беш жылдык иштин жыйынтыгын чыгарууга өзгөчө көңүл бурулду. Киргизилген бейтаптарды багыттоо механизмдери медициналык жардамдын үзгүлтүксүздүгүн жакшыртууга, диагностика жана өз убагында дарылоонун жеткиликтүүлүгүн жогорулатууга өбөлгө түзгөнү белгиленди.

Жыйындын алкагында катышуучулар жетишилген натыйжалардын туруктуулугун камсыз кылуу жана ийгиликтүү тажрыйбаларды өлкөнүн башка аймактарына жайылтуу боюнча кийинки кадамдарды аныкташты.

Иш-чаранын соңунда Япониянын Эл аралык кызматташтык агенттигине (JICA) ар тараптуу колдоосу үчүн терең ыраазычылык билдирилип, ошондой эле долбоордун ийгиликтүү ишке ашырылышына салым кошкон бардык өнөктөштөргө, саламаттык сактоо адистерине жана катышуучуларга ыраазычылык айтылды.

Долбоор Кыргыз Республикасынын саламаттык сактоо системасын чыңдоодо жана жугуштуу эмес ооруларды эрте аныктоонун натыйжалуу механизмдерин түзүүдө маанилүү кадам болуп калды.