16–18-апрель күндөрү Ош шаарында кесиптик-техникалык лицейлердин окутуучулары үчүн жаштар арасында сергек жашоо образын (СЖО) калыптандырууга арналган окутуу семинары өткөрүлдү.

Иш-чаранын максаты — педагогдордун квалификациясын жогорулатуу жана жугуштуу эмес оорулардын алдын алуу, ошондой эле окуучулар арасында тамеки жана алкоголдук ичимдиктерди колдонуу деңгээлин төмөндөтүү боюнча системалуу мамилени киргизүү.

Тренингдин жүрүшүндө катышуучулар негизги темаларды өздөштүрүштү: ден соолук жана анын детерминанттары, өспүрүм курактын өзгөчөлүктөрү, менталдык ден соолук жана зыяндуу адаттардын алдын алуу. Мындан тышкары, катышуучулар кол гигиенасы боюнча да окутуудан өтүштү.

Өзгөчө көңүл өзүн-өзү жөнгө салуу, стресске туруктуулук жана жаштардын жоопкерчиликтүү жүрүм-турумун калыптандыруу көндүмдөрүн өнүктүрүүгө бурулду.

Окутуу үчүн интерактивдүү ыкмаларды — талкууларды, ролдук оюндарды жана «мээ чабуулдарын» камтыган методикалык колдонмо иштелип чыкты.

Семинардын жыйынтыгында окутуучулар алынган билимдерди окуу процессине киргизип, жаштар арасында ден соолукту чыңдоого жана тобокелдик факторлорун азайтууга салым кошо алышат.